Multilingual Folk Tale Database


Information

Author: Phaedrus - 41 AD

Original version in Latin

Source: Fabulae Aesopiae (nr. 1.27)

Country of origin: Italy

Translations

English - viewaligned

French - viewaligned


Add a translation

Canis et Thesaurus et Vulturius

Phaedrus

Haec res auaris esse conueniens potest,
et qui, humiles nati, dici locupletes student.
Humana effodiens ossa thesaurum canis
inuenit, et, uiolarat quia Manes deos,
iniecta est illi diuitiarum cupiditas,
poenas ut sanctae religioni penderet.
Itaque, aurum dum custodit oblitus cibi,
fame est consumptus. Quem stans uulturius super
fertur locutus 'O canis, merito iaces,
qui concupisti subito regales opes,
triuio conceptus, educatus stercore'.