Multilingual Folk Tale Database


Information

Author: Phaedrus - 41 AD

Retold version in Latin
  by Phaedrus - 41

Source: Fabulae Aesopiae (nr. 4.06)

Country of origin: Italy

Based on The Mice and the Weasels (Aesop)

Translations

English - viewaligned


Add a translation

Pugna Murium et Mustelarum

Phaedrus

Cum uicti mures mustelarum exercitu
(historia, quot sunt, in tabernis pingitur)
fugerent et artos circum trepidarent cauos,
aegre recepti, tamen euaserunt necem:
duces eorum, qui capitibus cornua
suis ligarant ut conspicuum in proelio
haberent signum quod sequerentur milites,
haesere in portis suntque capti ab hostibus;
quos immolatos uictor auidis dentibus
capacis alui mersit tartareo specu.
Quemcumque populum tristis euentus premit,
periclitatur magnitudo principium,
minuta plebes facili praesidio latet.