Multilingual Folk Tale Database


Information

Unknown author - 13CAD

Original version in Middle Dutch

Source: Esopet (nr. 46)

Country of origin: Netherlands

Translations

There are no translations available for this story

Add a translation

Den vledermuus ende die aren

Die beesten hadden groten strijt
Jeghen die vogle op een tijt.
Die vledermuus hilt metten beesten,
Als metten stercsten ende metten meesten.
(Si ontsach haer ende si dochte
Dat si daer seker wesen mochte.)
Doe quam mijn here die aren
Met siere groter cracht ghevaren.
Hi hadde die gracie ent gheval
Dat hi verwan die beesten al.
Doe quamen alle die vogle gemene
Op die vledermuus allene
Ende traken haer die plumen uut.
Doe moeste si vlieghen bloter huut
Bi nachte algader, niet bi daghe,
Om dat si liet hare selfs maghe.

Dus es hi over al ghehaet
Met rechte, die de sine laet.