Multilingual Folk Tale Database


Information

Unknown author - 13CAD

Retold version in Middle Dutch - 1300

Source: Esopet (nr. 06)

Country of origin: Netherlands

Based on Vacca et capella, ovis et leo (Phaedrus)

Translations

There are no translations available for this story

Add a translation

Tscaep, coe, ende geet

Tscaep, die coe, die geet metten barde
Gheselden hem metten liebarde.
Doen dese IIII jaghen ginghen,
Gheviel, dat si I hert vinghen.
Si deelden den hert in IIII quartieren.
Die liebart sprac ten andren dieren:
‘Deen stic nemic alse here,
Dander, dat ic liep soe sere;
Des derds magic niet faelgieren,
Want ic ben sterx van ons viere;
Die tfierde stic name, hi soude
Daer om hebben mine onhoude.’
Dus hadde hi den hert allene,
Die si vinghen al ghemene.
Bi deser favelen soe bespellet
Die an heerscap es ghesellet.