Multilingual Folk Tale Database


Information

Unknown author - 13CAD

Retold version in Middle Dutch - 1300

Source: Esopet (nr. 07)

Country of origin: Netherlands

Based on Ranae ad solem (Phaedrus)

Translations

There are no translations available for this story

Add a translation

Die teve ende den welpen

Het was I dief die huwen soude;
Doer sinen wille ende doer sine houde
Quamen siere ghesellen vele
Te siere brulocht, te sinen spele.
Dit sach I vroet man ende seide:
‘Dit spel mach wel vergaen te leide.
Hoert na mi, wellieve ghebure,
Ic sal u segghen I aventure:
Die sonne wilde tenen tiden beghinnen
Huwen, ende kinder winnen.
Hare ghebure seider jeghen:
Hoe souden wi dat ghedoghen mede?
Al es die sonne nu allene,
Si verbornt ons ghemene;
Of si dan kinder heeft,
Sone ontgaet haer man die leeft.
Dus segghic u van desen dief:
Al es u nu die brulocht lief,
Die kinder selen haren vader slachten:
Alsoe vele te meer moeten wi ons wachten.’
Van dinghen es blide menech man,
Daer hi luttel winnet an.